တိပိဋကဘွဲ့ရဆိုတာ…

တိပိဋကဘွဲ့ရဆိုတာ…

အထူးသဖြင့် ပညာမာန်တက်နေတဲ့ လူငယ်များနဲ့ ဓမ္မစာပေကို အလေးအနက် မထားသူများအတွက် ရှင်းပြခြင်းပါ။

စစ်ကိုင်း တ်ိပိဋက ဆရာတော် ပျံလွန်တော်မူတော့ ပိဋကတ်သုံးပုံ ဘယ်လို အာဂုံဆောင်ရတယ်၊ဘယ်လို ရေးဖြေရတယ် ဆိုတာ သိချင်တဲ့သူလည်း ရှိမှာပေါ့။

ပိဋကတ်သုံးပုံဆိုတာ စာအုပ်အကြီးကြီးတွေ အုပ်ရေ ၄၀ ရှိပါတယ်။ အဲဒီထဲက ပြဋ္ဌာန်းစာတွေကို အလွတ်ကျက်ပြီး အလွတ်ပြန်ရတာကို အာဂုံဆောင်တယ်လို့ ခေါ်ပါတယ်။

အာဂုံပြန်တဲ့အခါ စာတွေက များတော့ ရက်ရှည်ကြီး ပြန်ရတာပေါ့။ ထစ်အ ထစ်အ လုပ်လို့ မရဘူး။ ရှေ့ကရော၊ဘေးကရော၊စာအုပ်ကြီးကိုင်ပြီး စစ်နေတဲ့ ဆရာတော်ကြီးတွေရှိတယ်။
စာပြန်ရင်း မေ့သွားရင် အဲဒီဆရာတော်ကြီးတွေက နည်းနည်းထောက်ပေးတယ်။

အစ ဖော်ပေးတယ်ပေါ့လေ။အဲ…ဒါပေမယ့် တစ်နေ့တည်း (၅)ခါထောက်ရရင် စာမေးပွဲ ကျပြီ။ဆက်မဖြေနဲ့တော့။ အဲ.. ထောက်ရတာ တော့ ၅ ခါ မပြည့်သေးပါဘူး။ဥပမာ ၃ ခါပဲ ထောက်ရသေးတယ် ဆိုပါတော့။

စဉ်းစားနေတာ ၁ မိနစ်ကျော်ရင်လည်း စာမေးပွဲကျပြီ။အကြာကြီး စဉ်းစားနေလို့ မရဘူး။
အာဂုံအောင်ရင် ရေးဖြေ စာမေးပွဲ ကျန်သေးတယ်။ရေးဖြေရဲ့ အောင်မှတ်က တို့ကျောင်းတွေလို ၄၀ ရရင် အောင်တယ် မမှတ်နဲ့။ ၇၅ မှတ်ရမှ အောင်တာ။

ဂုဏ်ထူးမှတ်က ၈၅ မှတ်။ဝိနည်း ပိဋကတ်ကိုအာဂုံဖြေရတာက စာမျက်နှာပေါင်း ၂၂၆၀ ကို ၁၅ ရက် ​​​ပြန်ရတယ်။သုတ္တန် ပိဋကတ်က. စာမျက်နှာ ၇၇၉ မျက်နှာကို ၉ ရက်ပြန်ရတယ်။

အဘိဓမ္မာ ပိဋကတ်ကတော့ အများဆုံးပဲ။ရှေ့ပိုင်း စာမျက်နှာပေါင်း ၁၃၉၀ ကို ၁၁ ရက်၊နောက်ပိုင်း စာမျက်နှာပေါင်း ၃၅၅၁ ကို ၁၈ရက် ပြန်ရတယ်။ စာပြန်ချိန်ကလည်း တစ်နေ့ကို ၉ ချိန် ပြန်ရတာ။

မနက်ပိုင်း ၄ ချိန်၊ ညနေပိုင်း ၅ချိန်ပြန်ရတာ။ တစ်နေ့ တစ်နေ့ကို ပျမ်းမျှ စာမျက်နှာ ၃၀၀ ကျော် ပြန်ရတာပေါ့။ကြားထဲမှာ ပိတ်ရက်မရှိဘူးနော်။ညနေ စာပြန်ပြီး ကျောင်းပြန်ရောက်ရင် မနက်ဖြန် ပြန်ရမယ့် စာမျက်နှာ ၃၀ဝ စာ ပြန်ကြည့် ပြန်နွှေးရတာနဲ့ အိပ်ချိန် ၂နာရီခွဲလောက်ပဲ ရှိတယ်တဲ့။

အခုပြောနေတာ အာဂုံပဲ ရှိသေးတယ်။ရေးဖြေကလည်း အကြာကြီး ရက်ရှည် လ ချီ ဖြေရတာ။ဒါကြောင့် ပိဋကတ်စာမေးပွဲက ကမ္ဘာပေါ်မှာ ရက်အကြာဆုံး စာမေးပွဲ ပါ။မင်းကွန်းဆရာတော်ကြီးရဲ့ အောင်မှတ်တွေကိုလည်း.ကြည်ညိုဖွယ်ရာ ဖတ်လိုက်ကြပါဦးနော်။

“ပထမဆုံး_တိပိဋကဓရ”

(၁)တိပိဋကစာမေးပွဲ စတင်ကျင်းပခဲ့တဲ့ ၁၉၄၈ ခုနှစ်ကနေ စပြီး ဒီနေ့ဒီအချိန်ထိ “တိပိဋကဓရ တိပိဋကကောဝိဒ” ဘွဲ့တံဆိပ်တော်ရ #သုတဗုဒ္ဓဆရာတော် ၁၅ ပါး ပေါ်ထွန်းခဲ့ပြီး ဖြစ်ပါတယ်။

ပထမဦးဆုံး (အာဒိကမ္မိက) တိပိဋကဆရာတော်က “မင်းကွန်းဓမ္မနာဒဆရာတော် အရှင်ဝိစိတ္တသာရာဘိဝံသ” ဖြစ်ပြီး ၁၉၅၃ ခုနှစ်၊ (၆) ကြိမ်မြောက် တိပိဋကရွေးချယ်ရေးစာမေးပွဲမှာ အောင်မြင်တော်မူခဲ့တာပါ။

ဆရာတော်ဘုရားဟာ တိပိဋကစာမေးပွဲမဖြေခင်ကတည်းက “ပထမကျော်”သာသနဓဇသိရီပဝရဓမ္မာစရိယ၊ သကျသီဟအဘိဝံသဘွဲ့တွေ ရထားပြီး ဖြစ်တဲ့အပြင် မြန်မာပြည်သာသနာ့သမိုင်းမှာ ပထမဆုံးဖြစ်တဲ့ “သကျသီဟ_ဝဋံသကာ” ဘွဲ့ကိုလည်း ထူးထူးခြားခြား ရရှိတော်မူထားတာကြောင့် “အာဒိကမ္မိက ဝဋံသကာ” ကြီးလည်း ဖြစ်နေပြန်ပါသေးတယ်။

ရန်ကုန်မြို့၊ စေတိယင်္ဂဏအသင်းကြီးက ဆက်ကပ်တဲ့ “#အဋ္ဌကထာပြန်အကျော်” ဘွဲ့တွေကိုလည်း ရရှိထားတာကြောင့် အင်မတန် ထူးခြားလှတဲ့ သာသနာ့အာဇာနည်ဆရာတော် ဖြစ်နေပါတယ်။

(၂) တိပိဋကစာမေးပွဲအကြောင်းကို အရင်ပြောပြရပါဦးမယ်။ တိပိဋကစာမေးပွဲမှာ (၁) အာဂုမ်စာမေးပွဲနဲ့ (၂) သဘောရေးဖြေစာမေးပွဲ ဆိုပြီး ၂ ပိုင်းရှိပါတယ်။

ပြဋ္ဌာန်းကျမ်းစာတွေကတော့

(၁) ဝိနည်း ၅ ကျမ်း (စာမျက်နှာ ၂၂၆၀)၊ (၂) အဘိဓမ္မာ ၇ ကျမ်း (စာမျက်နှာ ၄၉၄၁)၊ (၃) သုတ္တန်ပိဋကထဲက ဒီဃနိကာယ် ၃ ကျမ်း (စာမျက်နှာ ၇၇၉) ဆိုပြီး စုစုပေါင်း စာမျက်နှာပေါင်း ၇၈၆၅ မျက်နှာ (အုပ်ရေ ၂၀) ဖြစ်ပါတယ်။

မဇ္ဈိမနိကာယ်၊ သံယုတ္တနိကာယ်၊ အင်္ဂုတ္တရနိကာယ်နဲ့ ခုဒ္ဒကနိကာယ် (သုတ္တန်ပိုင်း) တွေကိုတော့ မဖြစ်မနေ ဖြေဆိုစရာ မလိုပါဘူး။ ပိဋကသုံးပုံဟာ စုစုပေါင်း အုပ်ရေ ၄၀ ရှိပေမယ့် တိပိဋကစာမေးပွဲမှာ သင်ရိုးပိဋကအနေနဲ့ အုပ်ရေ ၂၀ ကိုသာ ပြဋ္ဌာန်းထားပါတယ်။

“အာဂုမ်စာမေးပွဲ” ကို ဘယ်လိုကျင်းပသလဲ ?

“အာဂုမ်” စာမေးပွဲဆိုတာ…

၁) “ဘယ်စာပုဒ်ကို အစအဆုံး အကုန်ပြန်ပြပါ”

၂) “ဒီစာပုဒ်ရဲ့ ရှေ့နားက စာပုဒ်ကို ပြန်ပြပါ”

၃) “ဒီစာပုဒ်ရဲ့ နောက်နားက စာပုဒ်ကို ပြန်ပြန်ပါ” စသည်ဖြင့် ပြဋ္ဌာန်းကျမ်းစာတွေကို ခရေစေ့တွင်းကျ မေးမြန်းတာဖြစ်ပါတယ်။

စာပြန်သံဃာက ပါးစပ်နဲ့ ပြန်ဖြေတာကို စာထောက်စာမဘုန်းကြီးက နားနဲ့ နားထောင်ရတာကြောင့် “ဂ” နဲ့ “ဃ”၊ “ဇ” နဲ့ “ဈ”၊ “ဋ” နဲ့ “တ”၊ “ဌ” နဲ့ “ထ”၊ “ဍ” နဲ့ “ဒ”၊ “ဎ” နဲ့ ဓ”၊ “ဏ” နဲ့ “န”၊ “ဗ” နဲ့ “ဘ”၊ “လ” နဲ့ “ဠ” အသံမကွဲပြားပါဘူး။ ရောပြီး လုံးချလိုက်လို့ ရပါတယ်။

မင်းကွန်းဆရာတော်ကတော့ ဒီလိုမျိုး မဟုတ်ဘဲ အသံတော်က ကြည်လင်ပြတ်သားပြီး ကြည်ညိုစရာ သာယာနာပျော်ဖွယ်ကောင်းပါတယ်။

စာပြန်ပွဲကျင်းပတဲ့ ရက်တိုင်းလိုလို စာနာတဲ့ ပရိသတ်ကလည်း အင်မတန်စည်ကားပြီး အုန်းအုန်းသဲသဲ တစ်ခဲနက် ဖြစ်နေခဲ့တာပေါ့။

သမ္မတကြီး စပ်ရွှေသိုက်၊ ဇာတ်ဆရာကြီး ဂရိတ်ဦးဖိုးစိန်တို့ဆိုရင် အမြဲလိုလို စာလာနာတတ်ကြပါတယ်။

အာဂုမ်ဖြေတဲ့နေရာမှာ တစ်ရက်ကို ၅ ကြိမ်လောက်ပဲ မှားခွင့်၊ စာထောက်ခွင့် ရှိပါတယ်၊ ဒီထက်ပိုရင် အကျအဖြစ် သတ်မှတ်ပါတယ်။

မင်းကွန်းဆရာတော်ကတော့ အာဂုမ်ပြန်ရာမှာ သင်ရိုးပိဋက ၂၀ အုပ်လုံးကို တစ်လုံးတစ်ပါဒမှ မမှားယွင်းဘဲ ပြန်ဆိုနိုင်ခဲ့တာကြောင့် “ဝိသိဋ္ဌတိပိဋကဓရ” ဆိုတဲ့ ဘွဲ့ထူးကိုလည်း ရရှိတော်မူပါတယ်။

ယနေ့ထိ တိပိဋကဆရာတော် ၁၅ ပါးထဲမှာ “ဝိသိဋ္ဌတိပိဋကဓရ” ဘွဲ့ရ ၂ ပါးသာရှိပါတယ်၊ မင်းကွန်းဆရာတော်နဲ့ ဒုတိယတိပိဋကဓရ ပခုက္ကူဆရာတော် အရှင်နေမိန္ဒတို့ပဲ ဖြစ်ပါတယ်။

အာဂုမ်ပြန်နိုင်လို့ အလွတ်ရထားတော့ ဘာအကျိုးရှိသလဲဆိုရင် ဘယ်နေရာရောက်ရောက် စာအုပ်လှန်နေစရာ မလိုဘူးပေါ့၊ လွယ်လွယ်ကူကူနဲ့ လိုချင်တဲ့ စာပိုဒ်ကို ဉာဏ်နဲ့ ရှာနိုင်ပါတယ်။

ပြီးတော့ အခု ကျက်မှတ်ပြန်ဆိုနေတဲ့ စာတွေကလည်း အရပ်ထဲက (သံသရာအကျိုး တစ်စွန်းတစ်စမှ မရှိတဲ့) လောကီစာပေတွေ မဟုတ်ပါဘူး။

သဗ္ဗညုဘုရားရှင်ရဲ့ ရွှေနှုတ်တော်ထွက် တရားဓမ္မက္ခန်တွေ ဖြစ်ရုံသာမက နိဗ္ဗာန်ဆိုတဲ့ အမြတ်ဆုံး ပန်းတိုင်ကိုပါ လမ်းညွှန်ပြနိုင်တဲ့ အထက်တန်းပရိယတ်တရားတွေ ဖြစ်တာကြောင့် ရွတ်လိုက်တိုင်း ရွတ်လိုက်တိုင်း ကုသိုလ်စိတ်တွေ တိုးဖို့ပဲ ရှိပါတယ်။

ဘုရားနှုတ်တော်ထွက် စာတွေကို ခဏခဏ ရွတ်အံသရဇ္ဈာယ်နေရတဲ့ ပါးစပ်ဟာလည်း လောကမှာရှိသမျှ ပါးစပ်တကာထဲမှာ အဖိုးအတန်ဆုံး ပါးစပ်ပဲပေါ့။

အာဂုမ်စာမေးပွဲ အောင်မြင်ပြီးမှ “#သဘောရေးဖြေစာမေးပွဲ” ကို ဖြေဆိုခွင့်ရှိပါတယ်။ သဘောရေးဖြေစာမေးပွဲဆိုတာ အာဂုမ်ပြန်ထားတဲ့ ပါဠိတော်၊ အဲဒီပါဠိတော်ရဲ့ အဋ္ဌကထာ၊ ဋီကာ၊

မူလဋီကာ၊ အနုဋီကာ၊ မဓုဋီကာ၊ ယောဇနာ၊ နိဿယ၊ ဂဏ္ဌိ၊ အနုဂဏ္ဌိ၊ ဝိနိစ္ဆယ အစရှိတဲ့ ကျမ်းဂန်အစုံစုံမှာ လာတဲ့ ခဲရာခဲဆစ် အဖုအထစ်မျိုးစုံကို စာနဲ့ရေးပြီး ဖြေဆိုရတာ ဖြစ်ပါတယ်။ (စာနဲ့ရေးရတာဆိုတော့ အာဂုမ်ပြန်တုန်းကလို မပီကလာ ပီကလာနဲ့ ဖြန်းချ ဖြီးချလို့ မရတော့ဘူးပေါ့)

ရေးဖြေဖြေဆိုရာမှာ (၇၅) မှတ်ပြည့်မှ အောင်မြင်ပါတယ်၊ (၈၅) မှတ်ရမှ ဂုဏ်ထူးနဲ့အောင်ပါတယ်။ မင်းကွန်းဆရာတော်ဘုရားကတော့ ဘာသာရပ်တိုင်းကို ဂုဏ်ထူးနဲ့ချည်းအောင်မြင်တာကြောင့် “မဟာတိပိဋကကောဝိဒ” ဆိုတဲ့ ဘွဲ့ထူးကိုလည်း ရရှိတော်မူပါတယ်။

တိပိဋကဆရာတော်တွေထဲမှာ သင်ရိုးပိဋကအကုန်လုံးကို ရေးဖြေဂုဏ်ထူးရထားတဲ့ ဆရာတော်ဆိုလို့ “မင်းကွန်းဆရာတော်” တစ်ပါးတည်းသာ ရှိပါတယ်။

(၃) ဆရာတော်ဘုရားဟာ သက်တော် ၃၈ နှစ်လောက်မှ တိပိဋကစာမေးပွဲကို ဖြေဆိုခဲ့တာပါ။ သက်တော် ၄၂ နှစ်မှာ တိပိဋကရတာ‌ဆိုတော့ စာဖြေချိန် (၄) နှစ်ကြာခဲ့ပါတယ်။ တစ်ချို့တိပိဋကဆရာတော်တွေဆို (၁၅) နှစ်ကျော်လောက်ထိ ကြာတတ်ပါတယ်။

မင်းကွန်း ဓမ္မနာဒကျောင်းတိုက်ရဲ့ ကျောင်းထိုင်ဆရာတော်ဖြစ်တာကြောင့် စာမေးပွဲအတွက်ပဲ အာရုံမစိုက်နိုင်ခဲ့ပဲ နေ့ဝါ ညဝါတွေကိုလည်း ပို့ချတော်မူရင်း တိပိဋကစာပေတွေကို အပတ်တကုတ် အားထုတ်ကြိုးပမ်းတော်မူခဲ့ရတာ ဖြစ်ပါတယ်။

စာမေးပွဲအတွက် လုပ်နေစဉ်မှာလည်း ဆဋ္ဌသင်္ဂါယနာအတွက် ဝိနည်း-မဟာဝါပါဠိတော်ကိုလည်း ဦးဆောင်သုဓ်သင်ခဲ့ရပါသေးတယ်။

(က) ၁၉၅၀ ပြည့်နှစ်၊ ၃ ကြိမ်မြောက် တိပိဋကစာမေးပွဲမှာ ဝိနည်းပိဋက ၅ ကျမ်း (စာမျက်နှာပေါင်း ၂၂၆၀) ကို အာဂုမ် + ရေးဖြေ နှစ်မျိုးစလုံးကို ဂုဏ်ထူးနဲ့ချည်း အောင်မြင်တော်မူတာကြောင့် “#ဝိသိဋ္ဌဝိနယဓရ_မဟာဝိနယကောဝိဒ” ဘွဲ့ကို ရရှိတော်မူခဲ့ပါတယ်။

ဆရာတော်ဘုရား ရေးဖြေဖြေတုန်းက အမှတ်စာရင်းလေးကို ဖော်ပြပါဦးမယ်

ဘာသာရပ်တိုင်းကို ဂုဏ်ထူးနဲ့ချည်း အောင်မြင်တော်မူထားတာဖြစ်ပါတယ်။

၁) ပါရာဇိကဏ်ပါဠိတော် – (၈၉) မှတ်

၂) ပါစိတ်ပါဠိတော် – (၉၉) မှတ်

၃) မဟာဝါပါဠိတော် – (၉၂) မှတ်

၎) စူဠဝါပါဠိတော် – (၉၈) မှတ်

၅) ပရိဝါပါဠိတော် – (၁၀၀) မှတ်

(ခ) ၁၉၅၁ ခုနှစ်၊ ၄ ကြိမ်မြောက် တိပိဋကစာမေးပွဲမှာ အဘိဓမ္မာပိဋကရှေ့ပိုင်း ၅ ကျမ်း (စာမျက်နှာပေါင်း ၁၄၉၀) ကို အာဂုမ် + ရေးဖြေ နှစ်မျိုးစလုံးကို ဂုဏ်ထူးနဲ့ချည်း အောင်မြင်တော်မူတာကြောင့် “#ဝိသိဋ္ဌမူလအာဘိဓမ္မိက_မဟာအဘိဓမ္မကောဝိဒ” ဘွဲ့ကို ရရှိတော်မူခဲ့ပါတယ်။

အဘိဓမ္မာရှေ့ပိုင်း ငါးကျမ်းလုံး (အုပ်ရေ ၄ အုပ်) ကို အာဂုမ်ပြန်ဆိုရာမှာ အထောက်အမကင်းကင်းနဲ့ ပြန်နိုင်ခဲ့တဲ့အပြင် ရေးဖြေဖြေဆိုရာမှာလည်း အောင်မှတ်ရာခိုင်နှုန်း (၉၄) မှတ် ရရှိအောင်မြင်ခဲ့ပါတယ်။

(ဂ) ၁၉၅၂ ခုနှစ်၊ ၅ ကြိမ်မြောက် တိပိဋကစာမေးပွဲမှာ အဘိဓမ္မာနောက်ပိုင်း ၂ ကျမ်း (စာမျက်နှာပေါင်း ၃၅၅၁) ကို အာဂုမ် + ရေးဖြေ နှစ်မျိုးစလုံးကို ဂုဏ်ထူးနဲ့ချည်း အောင်မြင်တော်မူတာကြောင့် “#ဝိသိဋ္ဌအာဘိဓမ္မိက_မဟာအဘိဓမ္မကောဝိဒ” ဘွဲ့ကို ရရှိတော်မူခဲ့ပါတယ်။

အဘိဓမ္မာနောက်ပိုင်းက ယမိုက်နဲ့ ပဋ္ဌာန်း ၂ ကျမ်းတည်းဆိုပေမယ့် အုပ်ရေ (၈) အုပ်တော
င် ရှိတာကြောင့် အင်မတန်များပါတယ်။ သဘောရေးဖြေစာမေးပွဲမှာ ကျမ်းတိုင်းမှာ အောင်မှတ် (၉၄) ရာခိုင်နှုန်းနဲ့ အောင်မြင်တော်မူခဲ့ပါတယ်။

(ဃ) ၁၉၅၃ ခုနှစ်၊ ၆ ကြိမ်မြောက် တိပိဋကစာမေးပွဲမှာ ဒီဃနိကာယ် ၃ ကျမ်း (စာမျက်နှာပေါင်း ၇၇၉) ကို အာဂုမ် + ရေးဖြေ နှစ်မျိုးစလုံးကို ဂုဏ်ထူးနဲ့ချည်း အောင်မြင်တော်မူတာကြောင့် “ဝိသိဋ္ဌဒီဃဘာဏက_မဟာဒီဃနိကာယကောဝိဒ” ဘွဲ့ကို ရရှိတော်မူခဲ့ပါတယ်။

သဘောရေးဖြေ စာမေးပွဲဖြေရာမှာ ကျမ်းတိုင်းကို ဂုဏ်ထူးနဲ့ချည်း အောင်မြင်ခဲ့ပါတယ်။

၁) သုတ်သီလက္ခန်ပါဠိတော် – (၉၃) မှတ်

၂) သုတ်မဟာဝါပါဠိတော် – (၉၇) မှတ်

၃) သုတ်ပါထေယျပါဠိတော် – (၉၇) မှတ်

(၄) မင်းကွန်းဆရာတော် အရှင်ဝိစိတ္တသာရာဘိဝံသမထေရ်မြတ်မှာ ပထမဆုံး တိပိဋက (အာဒိကမ္မိက) ဖြစ်တဲ့အပြင် အာဂုမ်ရော ရေးဖြေပါ ဂုဏ်ထူးနဲ့ချည်း အောင်မြင်ထားတဲ့ တစ်ပါးတည်းသော “#ဝိသိဋ္ဌတိပိဋကဓရ_မဟာတိပိဋကကောဝိဒ” ဘွဲ့ရ ဆရာတော်ဖြစ်ပါတယ်။

တိပိဋကဆရာတော်တွေထဲမှာတော့ ချီးကျူးလို့မဆုံးတဲ့ အထူးခြားဆုံးသော ဆရာတော်ပါပဲ။ဆရာတော်ဘုရား တိပိဋကအောင်ပြီး မကြာမီမှာပဲ ၁၉၅၄ ခုနှစ်၊ ဖေဖော်ဝါရီလ (၁၃) ရက်မှာ သမ္မတအိမ်တော်မှာ ချီးကျူးပွဲကျင်းပခဲ့ပါတယ်။ ဆရာတော်ကိုလည်း “#တိပိဋကဓရ_ဓမ္မဘဏ္ဍာဂါရိက” တံဆိပ်တော်ကို ဆက်ကပ်လှူဒါန်းခဲ့ပါတယ်။

မင်းကွန်းတိပိဋကဓရဆရာတော်ဟာ ဆဋ္ဌသံဂါယနာတင်ပွဲကြီးမှာလည်း အဖြေဆရာတော် (ဝိဿဇ္ဇက) အဖြစ် အစအဆုံး တာဝန်ယူတော်မူခဲ့တဲ့အပြင် –

(၁) ဆဋ္ဌသံဂီတိကာရကတာဝန်

(၂) ဆဋ္ဌသံဂီတိဘာရနိတ္ထာရကတာဝန်

(၃) ပါဠိဝိသောဓကတာဝန်၊

(၄) ပဋိဝိသောဓကတာဝန်၊

(၅) ဩသာနသောဓေယျပတ္တပါဌကတာဝန်

(၆) အဋ္ဌကထာသံဂီတိကာရကတာဝန်

(၇) ဋီကာသံဂီတိကာရကတာဝန် – အစရှိတဲ့ တာဝန်တွေကိုပါ စွမ်းစွမ်းတမံ ထမ်းဆောင်တော်မူခဲ့ပါတယ်။

(၅) ၁၉၄၈ ခုနှစ်ကတည်းက ဒီနေ့ဒီအချိန်ထိ “#တိပိဋကဓရ_တိပိဋကကောဝိဒ” ဘွဲ့ရ ဆရာတော် (၁၅) ပါး ပေါ်ထွန်းခဲ့ပြီး ဖြစ်ပါတယ်။

(၁) မင်းကွန်းတိပိဋကဆရာတော် အရှင်ဝိစိတ္တသာရာဘိဝံသ

(၂) ပခုက္ကူတိပိဋကဆရာတော် အရှင်နေမိန္ဒ

(၃) ပြည်တိပိဋကဆရာတော် အရှင်ကောသလ္လ

(၄) ရန်ကုန်တိပိဋကဆရာတော် အရှင်သုမင်္ဂလာလင်္ကာရ

(၅) ယောတိပိဋကဆရာတော် အရှင်သိရိန္ဒာဘိဝံသ

(၆) ရေစကြိုတိပိဋကဆရာတော် အရှင်ဝါယာမိန္ဒာဘိဝံသ

(၇) မော်ကျွန်းတိပိဋကဆရာတော် အရှင်သီလက္ခန္ဓာဘိဝံသ

(၈) မြင်းမူတိပိဋကဆရာတော် အရှင်ဝံသပါလာလင်္ကာရ

(၉) မြင်းခြံတိပိဋကဆရာတော် အရှင်ဂန္ဓမာလာလင်္ကာရ

(၁၀) စွန်းလွန်းတိပိဋကဆရာတော် အရှင်သုန္ဒရ

(၁၁) ရမ္မာဝတီတိပိဋကဆရာတော် အရှင်ဣန္ဒပါလ

(၁၂) စစ်ကိုင်းတိပိဋကဆရာတော် အရှင်အဘိဇာတာဘိဝံသ

(၁၃) ဘုတလင်တိပိဋကဆရာတော် အရှင်ဣန္ဒာစရိယ

(၁၄) ကမ္ဘောဇတိပိဋကဆရာတော် အရှင်ဝီရိယာနန္ဒ

(၁၅) ကျောက်ပန်းတောင်းတိပိဋကဆရာတော် အရှင်ပညာဝံသာဘိဝံသ

#တိပိဋက#တိပိဋကစာမေးပွဲ#ပထမဆုံးတိပိဋက#မင်းကွန်းဆရာတော်ကြီး