အဲကွန်းအသုံးပြုလျှင် မီတာခသက်သာအောင် အသုံးပြုနည်း

အဲကွန်းအသုံးပြုလျှင် မီတာခသက်သာအောင် အသုံးပြုနည်း

အဲကွန်း Remote Control ကနေ အပူချိန်ကို အနိမ့်ဆုံးဖြစ်တဲ့ ၁၆ သို့မဟုတ် ၁၈ ဒီဂရီလောက် ထားလိုက်ရင် ၂၅ ဒီဂရီမှာ ထားတာထက် ပိုအေးတဲ့လေတွေ ထွက်လာမယ်၊ အခန်းလည်းမြန်မြန် ပိုအေးမယ်လို့ လူအများစုက ထင်ကြပါတယ်။

အမှန်က လုံးဝ မဟုတ်ပါဘူး။ အဲကွန်းက ထွက်လာတဲ့ လေဟာ ကိုယ်ထားထားတဲ့ အပူချိန်နဲ့ မဆိုင်ဘဲ တစ်သမတ်တည်းပါ။ ဒါဟာအဲကွန်းတစ်ခု ဘယ်လိုအလုပ်လုပ်လဲ မသိလို့ ဖြစ်ပါတယ်။

လူအများနားလည်အောင် Technical Terms တွေကို ရှောင်ပြီး အလွယ်ပဲ ပြောလိုက်ပါတော့မယ်။ဒီခေတ်မှာ အသုံးအများဆုံး ဖြစ်တဲ့ Split Type Air Conditioner တွေမှာ Indoor Unit နဲ့ Outdoor Unit ရယ်နှစ်ပိုင်းပါဝင်ပါတယ်။

အဓိကအနေနဲ့ Indoor Unitမှာ Evaporatorနဲ့ Outdoor Unitမှာ Compressor နဲ့ Condenser တွေပါဝင်ပါတယ်။Evaporatorဟာ လေထုထဲက ရေငွေ့တွေကို ဖယ်ရှားဖို့ ဖြစ်ပြီး Compressor နဲ့ Condenser တွေက လေထဲကအပူတွေကို ဖယ်ရှားပြီး လေကိုအေးမြသွားအောင် လုပ်ပေးဖို့ ဖြစ်ပါတယ်။

အဲကွန်းရဲ့ Indoor Unitဟာ အခန်းတွင်းကလေကို စုပ်ယူလိုက်ပါတယ်။ အဲဒီလေထဲမှာပါလာတဲ့ ရေငွေ့တွေကို Evaporator လို့ခေါ်တဲ့ကိရိယာနဲ့ ဖယ်ရှားပြီး အဲကွန်းကရေတွေ တတောက်တောက်ကျတာဟာ အဲဒီလိုဖယ်ရှားခံရတဲ့ အခန်းတွင်းလေထုထဲက ရေငွေ့တွေပါပဲ။

ခြောက်သွေ့သွားတဲ့လေကို Compressorနဲ့ Condenserတွေကို ဖြတ်သန်စေပြီးအေးမြခြောက်သွေ့တဲ့လေကို ပြန်မှုတ်သွင်းလိုက်ပါတယ်။ဥပမာ အပြင်မှာ ၃၅ ဒီဂရီ ရှိနေချိန် အခန်းတွင်းမှာ အဲကွန်းကို ၂၅ ဒီဂရီ ဆက်တင်လုပ်ထားမယ်ဆိုရင် ၂၅ ဒီဂရီကို မရောက်မချင်း အဲကွန်းဟာ

အခန်းတွင်းမှာရှိတဲ့ လေထုကို စုပ်ယူလိုက်၊ လေထဲက ရေငွေ့နဲ့ အပူကို ဖယ်ရှားပြီး အေးမြတဲ့ လေကို အခန်းတွင်းကို ပြန်မှုတ်သွင်းလိုက်နဲ့ အခန်းတွင်းက အပူချိန်ကို တဖြည်းဖြည်း ကျဆင်းလာစေပြီး အေးမြလာစေပါတယ်။

ဒီနည်းနဲ့ အခန်းတွင်းအပူချိန် ကျဆင်းလာတာဟာ သုံးစွဲသူသတ်မှတ်ထားတဲ့ အပူချိန်ကို ရောက်ပြီဆိုတာကို အဲကွန်းရဲ့ အာရုံခံစနစ်ကသိလိုက်တာနဲ့ အဲကွန်းကို ခဏလောက်ရပ်ထားလိုက်ပါတယ်။ စက်ရပ်တာ ကြာလာလို့ အခန်းတွင်းအပူချိန်က ၂၅ ဒီဂရီထက် ပြန်မြင့်တက်လာမှ အဲကွန်းက အလုပ်ပြန်လုပ်ပါတယ်။

ဒီတော့ အပြင်က ၃၅ ဒီဂရီအပူချိန်မျိုးကို ကိုယ့်အိမ်တွင်းမှာ မခံစားနိုင်လို့ အေးမြလာအောင် ၂၅ ဒီဂရီပဲထားသူနဲ့ ၁၆ ဒီဂရီထားသူ ဓာတ်အားသုံးစွဲမှုချင်း လုံးဝမတူတော့ပါဘူး။အခန်းတွင်း အပူချိန်ကို ၁၆ ဒီဂရီ ၁၈ ဒီဂရီအထိချဖို့ဟာ အဲကွန်းတစ်လုံးအတွက်ခက်ခဲပါတယ်။

အဆင်ပြေသည့်တိုင်အောင် ၁၆ ဒီဂရီ မရောက်မချင်း အဲကွန်းဟာ မနားတမ်း အလုပ်လုပ်ရတဲ့အတွက် မီတာအရမ်းစားသလို စက်အပေါ်မှာလည်း ဝန်ပိစေပြီး သုံးစွဲနိုင်တဲ့ သက်တမ်း တိုတောင်းစေ (ပျက်လွယ်ခြင်းကို ဆိုလို) ပါတယ်။

ကိုယ့်အခန်းတွင်းမှာ ၁၆ တို့ ၁၈ ဒီဂရီတို့ ဖြစ်နေဖို့ တကယ်ရော လိုအပ်ရဲ့လား

ပြီးတော့ ကိုယ့်အခန်းတွင်းမှာ ၁၆ တို့ ၁၈ ဒီဂရီတို့ ဖြစ်နေဖို့ တကယ်ရော လိုအပ်ရဲ့လားလို့ပြန်သုံးသပ်သင့်ပါတယ်

လူ့အရေပြားဟာ အပူချိန် ၂၅ ဒီဂရီလောက်အထိ သက်သောင့်သက်သာ ရှိရှိ နေနိုင်တာမို့ အဲကွန်းကို ၂၅ ဒီဂရီမှာ ဆက်တင်လုပ်ထားခြင်းဟာ

ကိုယ့်အိမ်ခန်းထဲ ရေခဲတိုက် ဖန်တီးထားခြင်းထက် မီတာခကို များစွာ သက်သာစေသလို…င်ပအပူချိန်နဲ့ များစွာ ကွာတဲ့ အခန်းတွင်း အပူချိန်မှာ အသားကျသွားပြီ ဖြစ်တဲ့ ရေခဲတိုက်သမားများထက် ပြင်ပ အပူချိန်ကို ပိုပြီး ခံနိုင်ရည် ရှိတဲ့အပြင်

အတွင်းအပြင် အပူအအေးကွာခြားလွန်းလို့ အခန်းပြင်ထွက်တာနဲ့ လေပူမိပြီး ရှော့ခ်ဖြစ်နိုင်တဲ့ အန္တရာယ်ကနေလည်း အတိုင်းအတာတစ်ခုအထိကင်းဝေးစေနိုင်ပါတယ်။လေတိုက်နှုန်းဟာလည်း Feels-like Temperature ကို သက်ရောက်တာကြောင့် ပန်ကာလည်ပတ်နှုန်း များရင် ပိုအေးတယ်ထင်ပြီး တစ်ဆုံးတင်ထားကြတာများကြပါတယ်။

ပန်ကာလည်နှုန်း မြင့်လေ မီတာစားနှုန်း မြင့်လေမို့ စဖွင့်ဖွင့်ချင်း Fan Speed ကို တင်ချင် တင်ပြီး အေးလာတာနဲ့ အနိမ့်ဆုံးမှာ ပြန်ချထားခြင်းဟာလည်း ကျန်းမာရေးအတွက်ရော မီတာခသက်သာရေးအတွက်ရော အထောက်အကူ ဖြစ်စေပါတယ်။

ချမ်းသာတဲ့ ဥရောပနိုင်ငံတွေ၊ မြောက်အမေရိကနိုင်ငံတွေ၊ အာရှက ဂျပန်တို့ ကိုရီးယားတို့ဟာ အလွန်အေးတဲ့နိုင်ငံတွေဖြစ်လို့ သူတို့နိုင်ငံသားတွေဟာ အပူကိုအရမ်းကြောက်ပါတယ်။ ဒါပေမဲ့ သူတို့ဆီက ဘတ်စ်ကားတွေ၊ လေယာဉ်ပျံတွေ၊ ရုံးတွေ ကျောင်းတွေမှာ နွေရာသီမှာတောင် အဲကွန်းကို အပူချိန် ၂၅ဒီဂရီလောက်မှာပဲ ချိန်ထားလုပ်ထားပါတယ်။

ရုံးခန်းတွေ အိမ်တွေမှာလည်း အဲကွန်းကို ၁၆ဒီဂရီအထိ အနိမ့်ဆုံးထားပြီး တောင်ကြီး ကလော ရာသီဥတုမျိုးကို ဖန်တီးထားကြပါတယ်။အမေရိကားရောက် သူငယ်ချင်းတစ်ယောက်က လှမ်းပြောပါတယ်။ သူတို့ဆီမှာက ပူလို့ အေးလို့ ဆိုပြီး တော်တန်ရုံ အဲကွန်းကိုမသုံးကြဘဲ မီတာခကို ချွေတာကြတယ်တဲ့။

ဖွံ့ဖြိုးပြီး နိုင်ငံတွေကို အရာရာ နတ်ဘုံနတ်နန်းလို့ ထင်နေပေမဲ့ တကယ်က မဟုတ်ပါဘူး။ သူတို့မှာလည်း သူတို့ရတဲ့ လခနဲ့ လူနေမှု စရိတ်ကြီးမြင့်ခြင်း ဒဏ်ကို ခံနိုင်အောင် စစ်စစ်စီစီ ချွေချွေတာတာ သုံးကြရတာပါ။

အမှန်က လူ့အရေပြားဟာ ၂၀ နဲ့ ၂၅ ဒီဂရီ စင်တီဂရိတ်ကြားက အပူချိန်မှာ နေလို့ထိုင်လို့ အကောင်းဆုံးပါ။ဒီတော့ အဲကွန်းကို ဖွင့်တဲ့အခါမှာ ၂၅ ဒီဂရီမှာ အပူချိန်ကိုထိန်းညှိထားလိုက်ခြင်းဟာ မီတာခအရမ်းသက်သာသွားသလို ကျန်းမာရေးကိုလည်းမထိခိုက်စေတော့ပါဘူး။

အဲကွန်းကို တောက်လျှောက်သုံးပြီး မီတာခကို ဒီထက် လျှော့ချချင်သေးတယ် ဆိုရင်လည်း ရပါသေးတယ်။ ဒီနေရာမှာ အဲကွန်းရဲ့ လုပ်ဆောင်ချက် နှစ်ခုထဲမှာ…Compressor နဲ့ Condenser တွေဟာ လေရဲ့ ပကတိ အပူချိန်ကို ဖယ်ရှားပြီး အေးမြအောင် လုပ်ပေးသလို Evaporator က လေထုထဲက ရေငွေ့ကို ဖယ်ရှားပြီး အခန်းထဲ ကဘအပူတွေကို ဖယ်ပေးတာပါ။

အခုခေတ် အဲကွန်းတွေမှာ Cool Modeသာမက Dry Modeဆိုတာပါ ပါပါတယ်။Cool Mode မှာ Evaporator Compressorနဲ့ Condenser တွေအားလုံး အလုပ်လုပ်ပြီး အခန်းတွင်းကလေကို အေးမြစေပါတယ်။Dry Modeမှာတော့ လေထုထဲကရေငွေ့ကို ဖယ်ရှားပေးဖို့ Evaporator သာ အလုပ်လုပ်တဲ့အတွက် ဓာတ်အားသုံးစွဲမှု ပိုနည်းပါတယ်။

ဒီတော့အခုလိုအပူချိန်သိပ်မမြင့်လှသော်လည်း ပူအိုက်စွတ်စိုထိုင်းမှိုင်းတဲ့မိုးရာသီမှာ အဲကွန်းကို Cool Modeနဲ့ မသုံးဘဲ Dry Modeကို ၂၅ ဒီဂရီလောက်မှာထားပြီး Fan Speedကိုလည်း လျှော့ပြီး သုံးမယ်ဆိုရင်…အခန်းတွင်း ရေငွေ့ပါဝင်နှုန်းကို လျှော့ချပေးတဲ့အတွက် အခန်းတွင်းမှာ မှိုမတက်ခြင်း၊ ရောဂါပိုးမွှားတွေ မပေါက်ပွါးနိုင်ခြင်းရေငွေ့နည်းပြီး

ခြောက်သွေ့သွားတဲ့လေဟာ လူ့အရေပြားက ချွေးတွေကို အလွယ်တကူ အငွေ့ပြန်စေလို့ အေးမြမှုကို Cool Mode နဲ့ အအေးခံထားသည့်အလား ခံစားရ စေခြင်း၂၅ ဒီဂရီလည်း ဖြစ်ပြန် Dry Mode လည်း ဖြစ်ပြန်လို့ မီတာခ သက်သာခြင်း

စတဲ့ အကျိုးတွေကို ခံစားရမှာ ဖြစ်ကြောင်း လက်တွေ့ နှိုင်းယှဉ် စမ်းသပ်နိုင်စေဖို့ စိုးလျှပ်စစ်မှ မျှဝေလိုက်ရပါတယ်.အဲယားကွန်းကို 16 မှာထားတာရင်လဲ ဒီလေပဲ30 မှာထားလဲ ဒီလေပဲထွက်ပါတယ်နော်.အလုပ်လုပ်ချိန်ပိုကြာသွားလို့ ပိုအေးတာပါ။

အခြားသော လျှပ်စစ်ပစ္စည်းတွေကိုလည်း အထာသိပြီး သတိထား အသုံးပြုရင် လျှပ်စစ်ကို ချွေတာနိုင်ပါလိမ့်မယ်။ အသေအချာ ရှင်းပြပေးတဲ့ ကိုရွှေယုကို ကျေးဇူးတင်ပါတယ်။

Credit-SOE Electronic