ကျန်းမာရေးနဲ့ ညီညွတ်တဲ့ အချိုမှုန့် အစားထိုး သဘာဝ ဟင်းခတ်ငါးအသားမှုန့် လုပ်နည်း

ကျန်းမာရေးနဲ့ ညီညွတ်တဲ့ အချိုမှုန့် အစားထိုး သဘာဝ ဟင်းခတ်ငါးအသားမှုန့် လုပ်နည်း

သဘာဝဟင်းခပ်မှုန့်လေးကိုယ်တိုင်လုပ်ကြမယ်ချစ်တို့ရေ… တကယ်ချိုပါတယ် ဆား၊ သကြား ဘာဆိုဘာမှမထည့်ပဲ ငါးနဲ့ကြက်သွန်နီရဲ့သဘာဝအချိုကို ယူထားပါတယ်။ ဒီနေ့ချက်တဲ့ ဟင်းထဲ ခပ်ကြည့်တာအဆင်ပြေလို့ ဝမ်းသာပီတိလည်း ဖြစ်ရတယ်။

ပြုလုပ်နည်းကလည်း လွယ်ကူလို့ ချစ်ရတဲ့အိမ်ရှင်မတွေအတွက် မျှဝေပေးလိုက်ပါတယ်ရှင်။

ငါးရွှေငါးနဲ့ပြုလုပ်ထားတဲ့သဘာဝဟင်းခပ်မှုန့်ပါရှင်၊ ပုံမှန်ချက်နေကျဟင်းတွေအတွက် ငါးအသားမှုန့်နဲ့ ဟင်းခါးတွေ ထမင်းကြော်တွေငရုတ်ကောင်းပါတဲ့ ဟင်းလျာတွေ အတွက် ငရုတ်ကောင်းပါဝင်တဲ့ ထမင်းကြော်တွေ ငရုတ်ကောင်းပါတဲ့ ဟင်းလျာတွေ အတွက် ငရုတ်ကောင်းပါဝင်တဲ့ သဘာဝငါးအသားမှုန့်ပါ၊ ငါးရွှေငါးကို သုံးထားပါတယ် ။

အချိုမှုန့်အစားထိုးသုံးမှာမို့ ငါးကို အချိုလေးတဲ့အညှီနံ့ကင်းတဲ့ သဘာဝငါးတွေအသုံးပြုစေချင်ပါတယ်။ ပထမတော့ ပလာတူး(ငါးသေတ္တာ)ငါးကို အသုံးပြုဖို့ စဉ်းစားပါတယ်။

ငါးသေတ္တာငါးက အညှီလဲကင်းသလို အရမ်းလဲချိုပါတယ်။ ဒါပေမယ့် အဲ့ဒီ့ငါးတွေက သွေးလေးစေတတ်လို့ ငါးရွှေငါးကို အသုံးပြုထားပါတယ်။ ဒီငါးရွှေငါးတစ်ကောင်ကို ၁၅၀၀၀ ပေးရပါတယ် ။ ၈၀သား အကောင်လောက် ရှိပါတယ်။

အဓိက လတ်ဆတ်ဖို့လိုပါတယ်၊ အနံ့မကောင်းတဲ့ ငါးဆိုရင် ညှီနံ့ ပြင်းလွန်းပါမယ်။ ငါးကို စိတ်ကြိုက်တုံးတစ်လို့ရပါတယ်။ ကျွန်မကတော့ အကျက်မြန်အောင်လွှာထားပါတယ်။ ရေနွေးပွက်ပွက်ဆူအောင် တည်ပါ။ ရေနွေးဆူလာရင် ငါးတွေကိုဇကာနဲ့ ထည့်ပေါင်းပါရှင်၊ ပြုတ်လဲ ရပါတယ်။ေ

ပါင်းထားတဲ့ငါးတွေ ကျက်ပြီဆိုရင်တော့ အရိုးနဲ့အရေခွံဖယ်ပြီး အသားတွေကို ချေထားပါ။ သဘာဝဟင်းခပ်မှုန့်ကို ပိုလို့မှချိုအောင်လို့ ကြက်သွန်နီကိုလဲ သုံးပါမယ်။ ကြက်သွန်နီဥကြီးကြီး ၁၀လုံးကို လေးစိပ်ထိုးထားပါ၊ ကြက်သွန်ဖြူဗမာဥ ၅ကျပ်သားကိုလဲ ကြက်သွန်ဖြူတစ်တက်ကို ၂ခြမ်းခြမ်းထားပါ။ ပြီးရင်တော့ အခြောက်ခံပါမယ်ရှင်။

ဒီနေရာမှာ ကျွန်မ ရှင်းပြချင်တာလေးရှိပါတယ် ။ အခြောက်ခံတာကို စက်ရှိမှခြောက်လို့ရတာ မဟုတ်ပါဘူးရှင်၊ နေပူပူမှာ အခြောက်ခံလဲ ရပါတယ်။ မီးသွေးနဲ့ချက်တဲ့သူဆို နောက်ဆုံးကျန်တဲ့ မီးငွေ့ငွေ့နဲ့ဗန်းကြီးကြီးထဲ ထည့်တင်ထားလို့လဲ ရပါတယ်။

Oven ရှိရင်လည်း မီးအားအနည်းဆုံးနဲ့ အခြောက်ခံလို့ရပါတယ်။ အဓိကက သဘာဝဟင်းခပ်မှုန့်ကို ပြုလုပ်မှာပါ။ မိမိမီးဖိုဆောင်က အသုံးပြုလို့ရတဲ့ ဘယ်လိုအရာနဲ့ပဲဖစ်ဖြစ် အခြောက်ခံလို့ရပါတယ်။ အခြောက်ခံစက်ရှိမှမဟုတ်ပါဘူးနော် ချစ်တို့ရေ..။

သွေ့နေအောင်ခြောက်ပြီဆိုရင်တော့ ရပါပြီ အခြောက်ခံတဲ့အခါ ကြက်သွန်နီနဲ့ငါးကတော့ အခြောက်မြန်ပါတယ်။ အစေးဓာတ်ပါတဲ့ ကြက်သွန်ဖြူကိုတော့ အနည်းငယ်စိတ်ရှည်စွာ အခြောက်ခံရပါတယ်၊ အားလုံးခြောက်ပြီ ငါးလဲသွေ့နေအောင် ခြောက်ပြီ၊ ကြက်သွန်ဖြူနဲ့ကြက်သွန်နီလဲသွေ့နေအောင်ခြောက်နေပြီဆိုရင်တော့

ကျွန်မတို့က ခြောက်နေပြီဖြစ်တဲ့ ငါးအသားတွေ ကြက်သွန်နီနဲ့ကြက်သွန်ဖြူကို မီးအေးအေးနဲ့ စိတ်ရှည်ရှည်လှော်ပါမယ်။ မီး လုံးဝအေးနေဖို့တော့ လိုပါတယ်။ မီး ဘယ်လောက်အေးမလဲဆိုရင် ဘယ်အချိန် ဒယ်အိုးထဲကလှော်နေတာတွေကို ဆုပ်ကိုင်ကိုင် ကိုင်နိုင်လောက်အောင် အေးတဲ့မီးအရှိန်နဲ့လှော်ပါမယ်။

ဒီလိုလှော်တာက အကြာကြီးသိမ်းမယ့်အရာမို့ မှိုမတက်တာ ပိုသေချာစေတယ်။ ပြီးတော့အရမ်းပဲ မွှေးသွားပါတယ်၊ မွှေးမွှေးလေးဖြစ်သွားတယ်။ ဒီအဆင့်ကို ကျော်ပြီးခြောက်တာနဲ့ တန်းကြိတ်လဲ ရပါတယ်။

လှော်လိုက်တော့ ပိုကြွပ်ပြီးမွှေးမွှေးလေးဖြစ်သွားတယ်၊ ဒါဆိုရင်တော့ ကြိတ်ပါမယ်။ ဒီလို powder အမှုန့် ဖြစ်သွားတဲ့အထိ ကြိတ်ရပါမယ်။ ဒါလေးကတော့ အရေးကြီးပါတယ်။ ညက်ညက်ကလေး ပေါင်ဒါမှုန့်လို ပြီးတော့ ကြိတ်တဲ့စက်၊ ထည့်မယ့် ပန်းကန်လုံး၊ ဇွန်း၊ မိမိလက်၊ စားပွဲ စတာတွေဟာ သန့်ရှင်းခြောက်သွေ့နေရပါမယ်။

အစိုဓာတ် လုံးဝရှိမနေရပါဘူး။ တာရှည်ခံဆေး လုံးဝမပါပဲ သဘာဝအတိုင်း ပြုလုပ်ထားတာမို့ မှိုမတက်နိုင်အောင် သေချာဂရုစိုက်ဖို့ တော်တော်လေးလိုအပ်ပါတယ်။

အကြာကြီး ထားသုံးရမှာမို့ သဘာဝတော့ဖြစ်ပါတယ်။ ဒါပေမယ့် မသိလိုက်ချိန် မှိုတက်နေရင်လဲ ကြီးမားတဲ့အန္တရာယ်ပါပဲ ချစ်တို့ရေ၊ ဒါ့ကြောင့်သေချာဂရုစိုက်ပါရှင်၊ ရလာတဲ့ ငါးအသားမှုန့်တွေကို ပိုလို့မှညက်သွားအောင် ဇကာချပါမယ်။

ဒီလို သိပ်မကြေသေးတဲ့ အဖတ်တွေကျန်ပါမယ်။ ဇကာ ချလိုက်ရင်တော့ ဒီလိုညက်နေတဲ့ ငါးအသားမှုန့်ရပါပြီ။ သိပ်မကြေပဲ ကျန်နေတဲ့ ငါးအသားမှုန့်တွေ ထပ်ကြိတ်ပြီး ထပ်ဇကာချပါ၊ တစ်ဝက်လောက် ကြိတ်ပြီးသွားရင်

ကျန်တစ်ဝက်ကို လှော်ထားတဲ့ ငရုတ်ကောင်းမွှေးမွှေးလေးထည့်ကြိတ်ပါညက်အောင်ကြိတ်ပါ။ ဇကာချပါ ရပါပြီရှင် သဘာဝငါးအသားမှုန့် ငရုတ်ကောင်းမပါတာတစ်ပုလင်းနဲ့ငရုတ်ကောင်းထည့်ထားတာတစ်ပုလင်းအသားတွေငါးတွေကို ငါးအသားမှုန့်ထည့်ပြီးနယ်နှပ်ထားနိုင်ပါတယ်။

ဟင်းထဲကိုလည်း အချိုမှုန့်အစားထိုးအဖြစ် သုံးနိုင်ပါတယ်။ သတိထားရမှာကတော့ မှိုမတက်အောင် ဇွန်းသန့်နဲ့ ခပ်ပါ။ရေခဲသေတ္တာအအေးခန်းထဲ ပုလင်းအဖုံး သေချာဖုံးပြီး ထည့်သိမ်းပါပြီးတော့ အဓိကအကျဆုံး သတိထားရမှာက ပုလင်းထဲကို ခပ်ထားတဲ့ ဇွန်းကိုပုလင်းထဲ အမြဲထည့်မထားပါနဲ့။

ခပ်ပြီးတဲ့ဇွန်းကို ပြန်နှုတ်ပြီးမှ အဖုံးဖုံးပါနော်၊ ဟင်းချက်နေတဲ့ လက်ဆိုတာ ဆီလဲပေနေနိုင်တယ်၊ ရေတွေနဲ့လဲ စိုနေနိုင်တာမို့ ကိုင်ထားတဲ့ဇွန်းကို ပုလင်းထဲ ထည့်မထားသင့်ပါဘူး။ ဇွန်းနဲ့ခပ်ပြီးတိုင်း ဇွန်းထုတ်ပြီးမှ သေချာအဖုံးပိတ်သိမ်းပါရှင်…။

Credit: PanKankayae