ပါမောက္ခဆရာဝန်ကြီး ပြောကြားတဲ့ ဆေးသောက်တဲ့အခါ သတိထားဆင်ခြင်ရမည့်အချက်များ
စာဖတ်ပရိသတ်ကြီးကို ယခုတင်ဆက်မှာကတော့ လူတိုင်းဖတ်ကြည့်သင့်တဲ့ ပါမောက္ခဆရာဝန်ကြီး ပြောကြားတဲ့ ဆေးသောက်တဲ့အခါမှာ ဆင်ခြင်ရမည့်အချက်များကို တင်ဆက်ပေးလိုက်တာ ဖြစ်ပါတယ် ။
ဆေးaသာက်လျှင် ရေနှင့်သောက်သည်ကို မသိသူ မရှိပေ ။ သို့သော် ဤလွယ်ကူ၍ အရေးကြီးသော ကွင်းဆက်ကို လူတို့မေ့လျော့သည့်အတွက် ဆေးအာနိသင် ရသင့်သလောက် မရသည့်အပြင် အစာမျိုပြွန်ကို ထိခိုက်နိုင်သည် ။
ဆေးပြားသည် သာမန်အားဖြင့် အဓိက ဆေးမှုန့်နှင့် ပုံသွင်းမှုန့် (ကော်မှုန့်၊ သကြား စသည်)တို့ကို ဖိ၍ ပုံသွင်းထားခြင်းဖြစ်သည် ။ ဆေး အာနိသင် မြန်၊ နှေး၊ ပြင်း၊ ပျော့သည် အဓိက ဆေးမှုန့်၏ အစာအိမ် အူလမ်းကြောင်း တလျှောက် စုပ်ယူခံရမှု အမြန်နှုန်းပေါ်တွင် မူတည်သည် ။
ဆေးပြားသည် သွေးအတွင်းသို့ စုပ်ယူမခံရမီ အစာအိမ်နှင့် အူလမ်းကြောင်းတွင် သေးငယ်သော၊ ထောင်သောင်းမကသော အမှုန့်ငယ်များအဖြစ် ကွဲကြေသွားပြီး အရည်ထဲ ပျော်ဝင်နေမှ သွေးထဲစုပ်ယူခံနိုင်မည် ။
ဆေးသောက်ပြီးရေများများသောက်မှ သွေးထဲသို့ စုပ်ယူခံရမှု ပိုမိုမြန်ဆန်မည် ။ ထို့ကြောင့် ဆေးမသောက်မီ ရေနွေးနွေးတခွက်သောက်ခြင်းဖြင့် အစာလမ်းကြောင်းကို စိုစွတ်စေနိုင်သည် ။ ပြီးမှ ဆေးကို ရေများများနှင့် သောက်ခြင်းဖြင့် အာနိသင် မြန်ဆန်ထက်မြက်စေနိုင်မည် ။
ရေသောက်နည်းလျှင် ဆေးပြား၊ ဆေးတောင့်တို့သည် အစာမျိုပြွန်၊ အစာအိမ်နံရံတွင် ကပ်နေနိုင်ပြီး ထိခိုက်ဒဏ်ရာရစေနိုင်သည် ။ ဥပမာ-အက်စ်ပရင်၊ ပရိုဖင်၊ အကိုက်အခဲ ပျောက်ဆေးမျိုးစုံ၊ ပရီနိုစလုံးဆေး၊ ကင်ဆာရောဂါကု ရူဘီဒိုမိုက်ဆင် စသည်တို့ဖြစ်သည် ။
၁ ။ ။ လှဲလျက် မသောက်ရ
ဆေးသောက်သည့်အခါ မတ်တတ်ရပ်လျက် သို့မဟုတ်-ထိုင်လျက် ဆေးသောက်ရမည် ။ လှဲလျက် ဆေး မသောက်ရ ။ ဆေး သောက်ပြီး ချက်ချင်း မလှဲရ ။ အနည်းဆုံး (၃)မိနစ်မှ (၅)မိနစ်ထိ ဆက်လက် ထိုင်နေသင့်သည် ။ နာတာရှည် ရောဂါသည်နှင့် အစာမျို ခက်ခဲသူများသည် ဆေးအရည်ကို သောက်သင့်သည် ။
၂ ။ ။ အိပ်ခါနီး သောက်လျှင်
အိပ်ခါနီး ဆေးသောက်ရန် လိုအပ်လျှင် ဆေးသောက်ပြီး(၂)မိနစ်၊ (၃)မိနစ်ခန့် သွားလာလှုပ်ရှားပြီးမှ အိပ်သင့်သည် ။
၃ ။ ။ နွားနို့နှင့် မသောက်သင့်
ဆေးကို နွားနို့နှင့် မသောက်သင့်ပါ ။ နွားနို့သည် ပရိုတင်းဓာတ်နဲ့ ဖက်တီးအက်စစ်ပါသည့်အတွက် ဆေးမှုန့်လေးများ၏ ပတ်ပတ်လည်တွင် အမှေးပါးတထပ် ဖြစ်ပေါ်အုပ်ဆောင်းထား တတ်သည် ။
ထို့ပြင် နွားနို့တွင် ကြွယ်ဝစွာပါဝင်သော ကယ်လ်စီယမ်ဓာတ်၊ မီးစုန်းဓာတ်၊ သံဓာတ်တို့သည်လည်း အချို့သော ဆေးဝါးပစ္စည်းများနှင့် ဓာတ်ပြုနိုင်ပြီး ပျော်ဝင်ရန် ခက်ခဲသော ဆားများအဖြစ်သို့ ဓာတ်ပြောင်းလဲသွားနိုင်ပါသည် ။
ထို့ပြင် ဟင်းရည်၊ လက်ဖက်ရည်၊ ကော်ဖီ၊ ရေနွေးကြမ်း၊ အချိုရည်၊ ဘိလပ်ရည်တို့နှင့် ဆေးကို မသောက်ရ ။ ရေနွေးနွေးနှင့်သာ သောက်သင့်ပါသည် ။
ဆာလ်ဖာဆေးဝါးသောက်လျှင်
ကျောက်တည်ခြင်းမှ ကာကွယ်ရန် အထူးသဖြင့် ရေများများ ပိုသောက်ရမည် ။ အနည်းဆုံး ရေတပုလင်းခွဲခန့် (၁၅၀၀-မီလီမီတာ) ထိုနေ့တွင် သောက်ရမည်။ သို့မှသာ သွေးကျဲ၊ ဆီးရွှင်၊ ကျောက်ကပ်ကာကွယ်ရာ ရောက်မည် ။
အကိုက်အခဲပျောက်ဆေး၊ အဖျားကျဆေးများ သောက်လျှင်လည်း ရေများများသောက်ရန် လိုအပ်သည် ။ သို့မှသာ ကိုယ်ပူကျပြီး ချွေးများများ ထွက်သောအခါ ရှော့ခ်ဖြစ်ခြင်းမှ ကာကွယ်နိုင်မည် ။
သို့သော် မည်သည့်ဆေးကို သောက်သည်ဖြစ်စေ ရေများများသောက်ရမည်ဟူ၍ကား မဟုတ်ပေ ။ အချို့ ချောင်းဆိုးပျောက်ဆေးသည် သောက်ပြီး (၅)မိနစ်ခန့်ကြာမှ ရေသောက်ရသည် ။
ထို့ကြောင့် ဆေးအာနိသင် ကောင်းစေရန် ဆေးပေးသူကို ဆေးသောက်ရမည့် အချိန်၊ နည်းလမ်းတို့ကို သေချာမေးမြန်းပြီး မှတ်သားလိုက်နာရမည် ဖြစ်ပါသည် ။
ယခုပြောပြတဲ့ လူတိုင်းဖတ်ကြည့်သင့်တဲ့ ပေါမောက္ခဆရာဝန်ကြီး ပြောကြားတဲ့ ဆေးသောက်တဲ့အခါမှာ ဆင်ခြင်ရမည့်အချက်များကလည်း စာဖတ်ရင်း ရလာတဲ့ ဗဟုသုတပါ ။ စာမဖတ်၊ ဗဟုသုတ မရှာခဲ့ရင် ခုလိုကူညီနိုင်မှာ မဟုတ်ပါဘူး ။
ယခုတင်ဆက်ပေးသော အကြောင်းအရာလေးကို သဘောကျတယ်ဆိုရင် ပြန်လည်မျှဝေပေးဖို့အတွက် တောင်းဆိုပါရစေ ။ လူကြီးမင်းတို့ရဲ့ အားပေးမှုတျွေက ကျွန်တော်၊ကျွန်မတို့အတွက် ဆက်လက်တင်ဆက်ပေးဖို့အတွက် ခွန်းအားသစ်တွေရရှိပါတယ် ။
ထို့ကြောင့် ကျွန်တော်၊ကျွန်မတို့ကို ကူညီတဲ့အနေနဲ့ ပြန်လည်မျှဝေပေးကြပါနော် ။ ယခုလို အချိန်ပေး ဖတ်ရှုပေးတဲ့ စာဖတ်ပရိသတ်ကြီးကို လေးစားစွာဖြင့် အထူးပင် ကျေးဇူးတင်ရှိပါတယ် ။ ဆက်လက်တင်ပြပေးဖို့အတွက် ကြိုးစားပါအုန်းမည် ။
Leave a Reply