ဦးနှောက်သွေးခဲပိတ် လေဖြတ်ရောဂါ အကြောင်း သိကောင်းစရာ

ဦးနှောက်သွေးခဲပိတ် လေဖြတ်ရောဂါ အကြောင်း သိကောင်းစရာ

ဦးနှောက်သွေးခဲလို့ဖြစ်တဲ့ လေဖြတ်ရောဂါဆိုတာ ဦးနှောက်တွင်းကို ထောက်ပံ့ပေးတဲ့ သွေးကြောတွင်းမှာ သွေးခဲပိတ်ဆို့လို့ အောက်စီဂျင်ဓာတ်ကို မရရှိဘဲ ဦးနှောက်ဆဲလ်တွေ ထိခိုက်ပျက်စီးတဲ့ရောဂါကို ခေါ်ပါတယ်။

တကယ်လို့ ဦးနှောက်တွင်း သွေးလည်ပတ်မှုကောင်းအောင် အမြန်ဆုံး ကုသမှု မရဘူးဆိုရင် အောက်စီဂျင် မရတဲ့ဦးနှောက် အစိတ်အပိုင်းက လုံးဝပျက်စီးသွားမှာ ဖြစ်ပါတယ်။

ဘာလို အကြောင်းကြောင့် ဖြစ်ရတာလဲ

လေဖြတ်ရောဂါကို ဖြစ်စေတဲ့အကြောင်းရင်းရဲ့ ၈၇ ရာခိုင်နှုန်းလောက်က ဦးနှောက်သွေးခဲလို့ ဖြစ်တာပါ။ ကျန်တဲ့ရာခိုင်နှုန်းတွေက ဦးနှောက်သွေးကြောပေါက်တာကြောင့် ဖြစ်ပါတယ်။

တကယ်လို့ ဦးနှောက်သွေးကြော ယာယီပိတ်ဆို့ပြီး မပျက်စီးဘဲ ၂၄ နာရီအတွင်း ပြန်ကောင်းသွားတယ်ဆိုရင်တော့ လေဖြန်းတယ် (Transient Ischemic Attack TIA) လို့ ခေါ်ပါတယ်။

ဦးနှောက်သွေးခဲလို့ လေဖြတ်ရောဂါဖြစ်ချင်တဲ့ လက္ခဏာကို ဘယ်လို သိနိုင်မလဲ

ဦးနှောက်တွင်းသွေးကြောမှာ သွေးခဲလို့ဖြစ်နိုင်တဲ့ လက္ခဏာတွေက ခဲသွားတဲ့ ဦးနှောက်သွေးကြောနေရာနဲ့ အောက်စီဂျင် မရတဲ့ ဦးနှောက်အစိတ်အပိုင်းပေါ် မူတည်ပါတယ်။ တချို့ အဖြစ်များတဲ့လက္ခဏာတွေ ရှိပါတယ်။

ဒါတွေကတော့-

အမြင်အာရုံပြဿနာတွေ၊ ဥပမာ မျက်စိတစ်ဖက် မမြင်ရတော့တာ၊ နှစ်ဖက်လုံးမမြင်ရတော့တာ၊ လက်နဲ့ ခြေထောက် အားနည်းတာ၊ လှုပ်မရတော့တာ၊ ပိတ်တဲ့သွေးကြောပေါ်မူတည်ပြီး လက်၊ ခြေတစ်ဖက် ဒါမှမဟုတ် နှစ်ဖက်လုံး ဖြစ်နိုင်ပါတယ်။

ခေါင်းမူးတာ၊ ချာချာလည်မူးဝေတာ၊စိတ်ဂယောင်ခြောက်ခြားဖြစ်တာ၊ စိတ်ရှုပ်ထွေးတာ၊စကားတွေ မပီသလာတာ၊ စကားထူးထူးဆန်းဆန်းတွေ ပြောတာ၊ ကိုယ်ဟန်ချက်မထိန်းနိုင်တာ၊ မျက်နှာတစ်ခြမ်းရွဲ့တာ၊ သွားရည်ကျတာ စတာတွေက ဦးနှောက်သွေးခဲလို့ လေဖြတ်ချင်တဲ့လက္ခဏာ ဖြစ်ပါတယ်။

ဒီလိုလက္ခဏာတွေ ပြလာရင် အမြန်ဆုံး စမ်းသပ်စစ်ဆေးဖို့လိုပြီး ဆေးကုသမှု အမြန်ဆုံး ခံယူဖို့ လိုအပ်ပါတယ်။ လူတစ်ယောက် လေဖြတ်ရောဂါ ဖြစ်နေတာလား အမြန်ဆုံးသိနိုင်ဖို့ FAST လို့ခေါ်တဲ့ အတိုကောက် မှတ်နည်းလေး ရှိပါတယ်။

F က Face ဖြစ်ပါတယ်။ မျက်နှာ တစ်ခြမ်းရွဲ့နေလား၊ လှုပ်ရှားရခက်နေလား ကြည့်ပါ။

A က Arms ပါ။ လက်တွေကို ဆန့်တန်းမြှောက်ထုတ်ခိုင်းလို့ တစ်ဖက်က အောက်ကို ကျသွားတယ်၊ ဒါမှမဟုတ် လက်တစ်ဖက်က မမြှောက်နိုင်ဘူးလား ကြည့်ပါ။

S က Speech ဖြစ်ပါတယ်။ သူ့ရဲ့ ပြောတဲ့စကားတွေက ဝါးနေလား၊ မပီမသဖြစ်နေလား၊ အဓိပ္ပာယ် မရှိထူးဆန်းတဲ့စကားတွေ ပြောနေလား ကြည့်ပါ။

T က Time ဖြစ်ပါတယ်။ တကယ်လို့ အပေါ်က အချက် ၃ ချက်က Yes ဖြစ်နေရင်တော့ အရေးပေါ် လူနာတင်ကား၊ ဒါမှမဟုတ် အရေးပေါ်ဌာနကို မြန်မြန်သွားရမယ့် အချိန်ရောက်ပြီပဲ ဖြစ်ပါတယ်။

ဦးနှောက်သွေးခဲလို့ လေဖြတ်ရောဂါမဖြစ်အောင် ဘယ်လို ကာကွယ်ကြမလဲ

ဦးနှောက်သွေးခဲရောဂါကို ဖြစ်စေတဲ့အကြောင်းရင်းတွေ အများကြီး ရှိပါတယ်။ ဒီအကြောင်းရင်းတွေက လေဖြတ်ရောဂါ ဖြစ်ဖို့ အခွင့်အလမ်းကို များစေပါတယ်။ ဒါကြောင့် ဒီအကြောင်းရင်းတွေကို မဖြစ်အောင် ကာကွယ်မယ် ဆိုရင် ဦးနှောက်သွေးခဲပြီး လေဖြတ်ရောဂါကို ကာကွယ်နိုင်မှာ ဖြစ်ပါတယ်။

(၁) သွေးတိုး၊ ဆီးချိုရောဂါကို ထိန်းသိမ်းပါ

နာတာရှည်ရောဂါတွေဖြစ်တဲ့ သွေးတိုးရောဂါနဲ့ ဆီးချိုရောဂါဟာ ဦးနှောက်သွေးခဲပိတ်ဆို့ပြီး လေဖြတ်ရောဂါ ဖြစ်စေတဲ့ အကြောင်းရင်းတွေထဲမှာ ထိပ်ဆုံးက ပါ ပါတယ်။

ဒါကြောင့် ကိုယ့်မှာ ဒီလို နာတာရှည်ရောဂါအခံတွေ ရှိနေတယ် ဆိုရင် ဆရာဝန်ကသတ်မှတ်ထားတဲ့ သင့်တော်တဲ့ သွေးပေါင်ချိန်ပမာဏ၊ ဆီးချိုပမာဏမှာ ထိန်းသိမ်းထားဖို့ အရေးကြီးပါတယ်။

(၂) ဆေးလိပ်ဖြတ်ပါ၊ အရက် အလွန်အကျွံသောက်တာ ရှောင်ပါ

ဆေးလိပ်က ခန္ဓာကိုယ်တစ်ကိုယ်လုံးမှာ သွေးကြောကျဉ်းရောဂါကို ဖြစ်စေပါတယ်။ သွေးကြောကျဉ်း အခြေအနေက ဦးနှောက်သွေးကြောတွင်းမှာသာ ဖြစ်ရင် အချိန်ကြာလာရင် သွေးခဲပိတ်ပြီး လေဖြတ်နိုင်ချေ များပါတယ်။ ဒါကြောင့် ဆေးလိပ်ကိုဖြတ်ခြင်းဟာလည်း ဦးနှောက်သွေးခဲပိတ်ဆို့ခြင်းကို ကြိုတင် ကာကွယ်ခြင်းပဲ ဖြစ်ပါတယ်။

အရက်ကို အလွန်အကျွံ သောက်တာကလည်း ဦးနှောက်သွေးခဲပိတ်ဆို့ခြင်းကို ဖြစ်စေနိုင်တဲ့အတွက် ရှောင်ကြဉ်သင့်ပြီး အရက်ကို သင့်တော်တဲ့ ပမာဏသာ သောက်သုံးသင့်ပါတယ်။

(၃) ကိုယ်အလေးချိန် ထိန်းပါ

အဝလွန်ခြင်းက သွေးတွင်းအဆီဓာတ်ကို များစေပြီး သွေးကြောတွင်းမှာ အဆီဓာတ်ကို တက်စေပါတယ်။ ဒီကနေတစ်ဆင့် ဦးနှောက်သွေးခဲတာကို ဖြစ်စေပြီး လေဖြတ်ရောဂါကို ဖြစ်စေနိုင်ပါတယ်။

ဒါကြောင့် ကျန်းမာရေးနဲ့ ညီညွတ်တဲ့ ကိုယ်အလေးချိန်အတွင်းရောက်အောင် ထိန်းသိမ်းသင့်ပါတယ်။ အစားအစာတွေမှာ အဆီကို လျှော့စားပြီး ဟင်းသီးဟင်းရွက်နဲ့ သစ်သီးဝလံကို များများစားပေးဖို့ လိုအပ်ပါတယ်။

(၄) လေ့ကျင့်ခန်း ပုံမှန်လုပ်ပေးပါ

တစ်နေ့ကို မိနစ် ၃၀ နဲ့ တစ်ပတ်ကို ၅ ရက် လေ့ကျင့်ခန်းလုပ်ပေးတာက သွေးလည်ပတ်မှု ကောင်းစေပြီး ထုံထိုင်းနေတဲ့ ခန္ဓာကိုယ်သွေးကြောတွေကို လည်ပတ်မှု ကောင်းစေပါတယ်။

လေ့ကျင့်ခန်း ပုံမှန်လုပ်ပေးတာက ကိုယ်အလေးချိန်ကိုလည်း ထိန်းသိမ်းစေပြီး နာတာရှည်ရောဂါတွေ ဖြစ်မလာအောင်လည်း ကာကွယ်ပေးပါတယ်။

ကိုယ့်မိသားစု မျိုးရိုးထဲမှာ ဦးနှောက်သွေးခဲပိတ်လို့ လေဖြတ်ရောဂါ ဖြစ်တဲ့ ရာဇဝင်ရှိတယ်ဆိုရင် အလေးထားပြီး ဂရုစိုက်ပေးဖို့ လိုပါတယ်။

ဦးနှောက်သွေးခဲလို့ လေဖြတ်ရောဂါဟာ အရေးပေါ်ဆေးကုသမှု ခံယူရတဲ့ရောဂါ ဖြစ်ပြီး ရောဂါဖြစ်သွားခဲ့ရင် သာမန်လူကောင်းအတိုင်း ပကတိပြန်ကောင်းနိုင်ချေ မရှိသလောက် နည်းတာကြောင့် ရောဂါ မဖြစ်ခင်တည်းက ကြိုတင်ကာကွယ်တာက အရေးအကြီးဆုံးပဲ ဖြစ်ပါတယ်။

ဒါကြောင့် ကာကွယ်ခြင်းသည် ကုသခြင်းထက် ကောင်းသည်ဆိုတဲ့အတိုင်း ဦးနှောက်သွေးခဲပြီး လေဖြတ်ရောဂါ မဖြစ်ကြဖို့ ကာကွယ်ရန် တိုက်တွန်းရင်း နိဂုန်းချုပ်အပ်ပါတယ်။

ဒေါက်တာသုတ